Maysa ti natay it panagdinnungpar ti motorsiklo ken pickup idiay Sapilang Bridge, Barangay Calanutian, Sinait, Ilocos Sur.
Ti pickup ket minaneho ti lalaki nga agtawen iti uppat a pulo ket siam, taga-No. 4 Guillermo, Laoag City, Ilocos Norte, ken adda dua a pasaherona.
Ti met motorsiklo ket minaneho ti lalaki nga agtawen iti tallopulo ket siam, taga-Barangay Teppeng, Sinait.
Agpapa-abagatan ti pickup idinto nga adda met iti bangir a linya ti motorsiklo.
Idi nadanonda ti nakapasamakan ti aksidente kangrunaan iti sharp curve portion wenno partikular iti Sapilang Bridge, napaspas ti pataray ti motorsiklo ket inagawna ti linya ti pickup isu a napasamak ti head-on collision.
Gapu iti kapigsa ti impact, nagsagaba iti nakaru a dunor ti ulo ken ti nadumaduma a paset ti bagina.
Naitaray iti ospital ti drayber ti motorsiklo ngem naideklarar a dead on arrival.
Kabayatanna, saan met a naan-ano ti drayber ken pasahero ti pickup.
