--Ads--
Natay ti maysa a drayber ti motorsiklo gapu iti pannaka-aksidentena iti Barangay Bagani Ubbog, Candon City, Ilocos Sur.
Ti drayber ket agtawen iti tallopulo ket siam, agnaed iti Barangay Tablac.
Iti pannaki-uman ti Bombo Radyo Vigan ken ni Police Captain Sanshine Lozano, naggapu iti trabahona ti drayber ket mapapati a napataray isu nga idi makadanon iti kurbaan a paset ti kalsada, saanna a nakontrol ti manibela ti luganna ket naidungpar iti metal guardrail.
Gapu dayta, nagsagrap iti dunor, natukkol ti takyagna, naitupa ti barukongna ken nadaraan ti utekna a dagitoy metten ti puon ti nakatayanna.
-- ADVERTISEMENT --
Nakainom ti drayber idi mapasamak ti aksidente ken adda suotna a helmet.
