--Ads--
Maysa a lalaki ti naipaagas iti ospital kalpasan a maawanan iti puot kalpasan ti panagdinnungpar ti maysa a pickup truck ken cargo truck iti national highway ti Barangay Naguiddayan, Bantay, Ilocos Sur.
Ti Ford Ranger ket minaneho ti maysa a lalaki, agnaed iti Barangay Tay-ac, Bantay idinto a ti Mitsubishi Canter ket minaneho ti maysa a lalaki nga agtawen iti uppat a pulo ket maysa, agnaed iti Rizal, Odiongan, Romblon.
Daldalyasaten ti cargo truck ti national highway a mapan iti laud idinto a ti pickup truck ket bigla a simrek iti national highway isu a nagdinnungparda.
Gapu iti kapigsa ti impact ti panagdinnungpar, naawanan iti puot ti drayber ti pickup isu a naitaray iti ospital.
-- ADVERTISEMENT --
Saan a naan-ano ti drayber ti cargo truck.
