Nadangran ti maysa a drayber iti panagdinnungpar ti motorsiklo ken kotse iti Darapidap Road, Barangay San Agustin, Candon City, Ilocos Sur.
Ti kotse ket minaneho ti lalaki nga agtawen iti duapulo ket lima, tubo iti Pambuan, Gapan City, Nueva Ecija, ngem agnanaed iti Barangay Tamurong 1st, Candon City.
Ti met motorsiklo ket minaneho ti lalaki nga agtawen iti limapulo ket innem, taga-Barangay Darapidap, Candon City.
Naggapu ti motorsiklo iti abagatan a sumrek iti kalsada nga agpalaud, idinto nga agpapalaud met ti kotse.
Iti dayta a gundaway, napasamak ti panagdinnungpar dagiti 2 a lugan.
Nadunor ti kannigid a saka ti drayber ti motorsiklo ken agalenna ti nasakit a bagina isu a naipaagas iti ospital para iti pannakatamingna idinto a saan a naan-ano ti drayber ti kotse.
