Nadunor ti maysa a tricycle driver kalpasan a makadinnungparna ti maysa pay a traysikel iti national highway ti Barangay San Jose, Narvacan, Ilocos Sur.
Ti black Euro tricycle ket minaneho ti lalaki nga agtawen iti uppat a pulo, agnaed iti Barangay Magsaysay.
Ti met maysa a traysikel ket minaneho ti lalaki nga agtawen iti uppat a pulo ket maysa, agnaed iti Barangay San Pablo.
Maibasar iti imbestigasyon ti kapulisan, agpapa-amianan ti Euro a traysikel ket saanna a nadlaw a naka-red light ti traffic signal para iti linyana.
Kabayatanna, bumalballasiw met manipud iti laud a mapan iti daya ti TMX 150 a traysikel nga adda iti green light ken right of way idi mapasamak ti panagdinnungparda iti intersection.
Nadunor ti kannigid a takyag ti drayber ti Euro tricycle idinto a saan a naan-ano ti maysa pay a drayber.
