--Ads--
Maysa a drayber ti nadunor iti panagdinnungpar dagiti 2 a traysikel iti national highway ti Barangay Barangobong, Sta. Lucia, Ilocos Sur.
Karaman iti aksidente ti a TMX tricycle a minaneho ti lalaki nga agtawen iti limapulo ket maysa, agnaed iti Barangay Calaoaan, Candon City.
Ti met Rusi tricycle ket minaneho ti lalaki nga agtawen iti tallopulo ket siam, taga-Barangay Catayagan, Sta. Lucia.
Agpapa-abagatan ti Rusi tricycle ket idi nadanonna ti nakapasamakan ti aksidente, bimmallasiw ti TMX tricycle a naggapu iti shoulder lane isu a nagdinnungparda.
-- ADVERTISEMENT --
Nadunor ti muging ti drayber iti Rusi tricycle ket naipaagas iti ospital para iti pannakatamingna, idinto a saan a naan-ano ti maysa pay a drayber.
