Maysa ti nadunor iti napasamak nga aksidente a nakairamanan dagiti 2 a motorsiklo iti intersection ti Quirino Blvd ken Salcedo Street, Barangay V, Vigan City, Ilocos Sur.
Karaman iti aksidente ti Honda Wave 125 a minaneho ti lalaki nga agtawen iti duapulo ket tallo, agnaed iti ili ti Caoayan.
Ti met Honda PCX ket minaneho ti lalaki nga agtawen iti pitopulo ket pito, agnaed iti siudad ti Vigan.
Agpapa-abagatan ti Wave iti paset ti Quirino Blvd, idinto nga agpalaud met ti PCX.
Idi madanon ti nakapasamakan ti aksidente, bayat ti panagballasiw ti PCX iti nasao a kalsada, nadungpar ti napaspas ti patarayna a Wave ti rear mudguard ti PCX.
Gapu dayta, saan a nakontrol ti drayber ti Wave ti minanehona a lugan ket nagtulid iti kalsada.
Nadunor ti nadumaduma a paset ti bagi ti drayber ti Wave idinto a saan a naan-ano ti drayber ti PCX, ngem agpadada a naipan iti ospital para iti medical examination.
