--Ads--
Maysa a drayber ti dyip ti nadunor iti napasamak nga aksidente iti provincial road ti Baranga Conconig West, Sta. Lucia, Ilocos Sur.
Ti drayber ket agtawen iti innem a pulo ket innem, taga-Barangay Pidpid, Sta. Cruz.
Agpapalaud ti dyip ket idi nadanonna ti nakapasamakan ti insidente, saanna a nakontrol ti manibela ti luganna ket naiderderetso iti kongkreto a pader isu a nagbaliktad.
Nadunor ti drayber ket naipaagas iti ospital para iti naan-anay a pannakatamingna.
-- ADVERTISEMENT --
