--Ads--
Maysa a drayber ti nadangran iti panagdinnungpar ti motorsiklo ken traysikel iti barangay road ti Conconig East, Sta. Lucia, Ilocos Sur.
Ti traysikel ket minaneho ti maysa a lalaki nga agtawen iti limapulo ket uppat, taga-Barangay Namatican, Sta. Lucia.
Ti met motorsiklo ket minaneho ti maysa a lalaki nga agtawen iti tallopulo ket lima, taga-Barangay Dan-ar, Santiago.
Agpapa-abagatan ti traysikel ket idi madanonna ti nakapasamakan ti aksidente, immagaw ti linya ti napaspas ti patarayna a motorsiklo a rason ti panagdinnungparda.
-- ADVERTISEMENT --
Nadunor ti kannigid a saka ti drayber ti motorsiklo a naipaagas iti ospital.
Saan met a naan-ano ti drayber ti traysikel ken dagiti inluganna.
