Maysa a drayber ti nadangran iti panagdinnungpar ti motorsiklo ken elf truck iti national highway ti Barangay Urzadan, Suyo, Ilocos Sur.
Nabigbig ti drayber ti Honda Click motorcycle a ni Noel Badungen Sumingwa, agtawen iti limapulo ket dua, agnaed iti nasao a lugar.
Ti met nagmaneho iti Isuzu Elf Truck ket ni Niel Genesis Marquez Mapigue, agtawen iti duapulo ket lima, taga-Barangay Patoc-ao, Suyo.
Agpapalaud ti trak idinto nga adda iti bangir a linya ti motorsiklo, ket idi nagtengda ti nakapasamakan ti insidente, nasisirap ti drayber ti trak iti silaw ti motorsiklo.
Gapu dayta, naagaw ti trak ti linya ti motorsiklo ket nagdinnungparda a puon ti nakatukkolan ti akin-kannigid a saka ken nakadunoran ti nadumaduma a paset ti bagi ti drayber ti motorsiklo.
Saan met a naan-ano ti drayber ti trak ngem dagiti lugan ket agpada nga adda dadaelna.
