--Ads--
Maysa a driver ti nakemmeg iti naiwayat a buy-bust operation iti siudad ti Candon, Ilocos Sur gapu ti panagikotna iti mapapati a shabu ken paltog.
Ti suspek nga agtawen iti limapulo, agnaed iti nasao a siudad.
Nakumpiskar manipud iti operasyon ti nasurok kumurang 0.3 a gramo ti mapapati a shabu nga aggatad iti P2,040 a naikabil iti maysa a piraso ti heat-sealed transparent plastic sachet a nagserbi a buy-bust item.
Dagiti non-drug evidence ket pakairamanan ti dua a piraso ti P1,000, 95 peso coins a personal money, medicine pack nga awan kargana, cellphone, caliber 45 a paltog, tallo a piraso ti magazine para iti Rock Island Caliber 45, duapulo ket uppat a piraso ti live ammunition para iti caliber 45 ken maysa a gray belt bag.
-- ADVERTISEMENT --
