Nadunor ti maysa a drayber ti traysikel iti napasamak a hit and run idiay idiay Barangay Olo-olo Norte, Santiago, Ilocos Sur.
Ti traysikel ket minaneho ti lalaki nga agtawen iti tallopulo ket walo, inluganna ti maysa a menor de edad, agpada a taga-Santiago.
Ti met kotse ket minaneho ti agtawen iti uppat a pulo ket pito, taga-Sta. Lucia.
Iti pannaki-uman ti Bombo Radyo Vigan ken ni Police Captain Justine Jeff Aguigam, Acting Chief of Police ti Santiago Police Station, nag-overtake ti kotse ket nasagidna ti traysikel nga adda iti igid ti kalsada ket ginandatna a libasan.
Nupay kasta, maysa a concerned citizen a taga-Banayoyo ti nangkamat iti drayber sa inunaanna tapno mapan ireport kadagiti pannakabagi ti linteg ket natiliw met ti drayber iti paset ti Barangay Tablac, Candon City.
Gapu dayta, nadunor ti drayber ken pasahero iti dunor iti bagida, idinto a saan a naan-ano ti drayber.
Kabayatanna, baklayen met ti drayber ti magastos nga agpaagas dagiti nadangran ken ti pannakapatarimaan dagiti nadadael a paset ti luganda.
