Magnitude 7.5 a gingined ti nangdayyeg iti Drake Passage, iti nagbaetan ti abagatan a paset ti South America ken Antarctrica.
Nangiruar ti Chile’s Navy Hydrographic and Oceanographic Service iti tsunami precaution para iti Chilean Antarctic territory kasaruno ti magnitude 8 a gingined a nangdayyeg iti 258 km amianan a laud iti Base Frei idi rabii ti Mierkoles.
Immuna a nairekord ti magnitude 8 ngem nabaliwan, ta napasamak daytoy iti kauneg a 11 km wenno pito a milia.
Nasurok 700 km abagatan a laud ti Ushuaia ti nakapasamakan ti gingined, maysa a siudad a ti populasyonna ket nasurok-kumurang 57,000.
Kabayatanna, pinasingkedan met ti Philippine Institute of Volcanology and Seismology (PHIVOLCS) nga awan ti pangta ti tsunami ditoy pagilian gapu iti gingined.
