VIGAN CITY – Adu iti arapaap ni Dr. Erwin Cadorna para iti University of Northern Philippines kalpasan ti pannakadutokna manen wenno panag-2nd term na kas presidente iti nasao a pagadalan.
Iti pannaki-uman ti Bombo Radyo Vigan ken ni Cadorna, kalikagumna a maituloy pay dagiti narugianna a proyekto iti unibersidad para iti pagsayaatan dagiti estudyante ken dagiti mangisursuro.
Segun ken ni Dr. Cadorna, kayatna pay a magun-od iti UNP ti international scene nupay narigat ngem natalek ta in-inut ket maar-aramid dayta iti pagadalan .
Pinasingkedanna a narugiandan nga isaysayangkat ti exchange students iti pagilian ken ti Thailand ta adda payen nakasangpet ditoy probinsia.
Nakurang duapulo pay met nga estudyante manipod UNP iti maipatulod iti pagilian ti Indonesia, Vietnam ken Thailand iti panagtapos iti agdama a bulan wenno inton sumaruno a bulan.
Kasta pay nga ipannakkel ti presidente iti UNP ti umadanin a panag-host da iti international event inton Nobrembre a pakipasetan iti sangagasut agingga sangagasut limapulo a participant manipod agduduma a pagilian iti Southeast Asian.
Gapu dayta ket planoda nga ag-apply iti World University Ranking Impact wenno WURI ken uray iti QStar World University Rankings.
VIDEO AUDIO DR. ERWIN CADORNA
