Dr. Edwin Mercado, baro a mangidaulo iti PHILHEALTH

Nagsapatan ken ni President Ferdinand Marcos Jr. ti baro a presidente ken Chief Executive Officer ti Philippine Health Insurance Corporation (PHILHEALTH) a ni Dr. Edwin Mercado.

Dinutokan ti presidente ni Mercado a kasukat ni dati a PhilHealth President Emmanuel Ledesma Jr.

Ni Mercado ket maysa nga US-trained orthopedic surgeon ken adda tallopulo ket lima a kapadasan iti hospital management.

Naleppasna pay ti Doctor of Medicine iti University of the Philippines a mangala ti Master of Medical Sciences in Global Health Delivery iti Harvard Medical School.

Nagisuro pay ni Mercado iti Ateneo School of Medicine ken University of the Philippines.