Insingasing ni Senador JV Ejercito nga ag-leave of absence pay laeng ni Department of Public Works and Highways (DPWH) Secretary Manuel Bonoan iti baet iti maisaysayangkat nga imbestigasyon maipanggep ti maanomalya a flood control projects.
Impaganetget ti senador a tapno saan a maka-impluwensya iti secretary iti imbestigasyon ket nasaysayaat nga ag-absent pay laeng.
Aminado ti senador nga agbalin a karit iti panangdutok ti Officer-in-Charge (OIC) ta uray dagiti sumagmamano nga undersecretaries ken assistant secretaries iti DPWH ket adda sangsangwenda nga isyu.
Inlawlawagna met a saan pay a panawen nga agikkat iti puesto ti secretary bayat nga awan pay ti natibker nga ebidensya a direkta a mangiraman ken ni Bonoan kadagiti alegasyon.
Ngem nu kas bilang mapaneknekan a nagbasol wenno adda nagkurangan ni Bonoan mainaig kadagiti ghost flood control projects ket rumbeng nga ag-resign ti secretary.
