Nangiruar ti cease-and-desist order ti Department of Public Works and Highways wenno DPWH kontra iti maipagarup nga ilegal a reclamation project iti paset ti Laguna de Bay idiay Taguig City.
Segun ken ni DPWH Secretary Vince Dizon, nairruar ti bilin idi Agosto 20 kas panangsurot iti direktiba ti Office of the Prespident babaen ti Philippine Reclamation Authority wenno PRA ken dagus daytoy a naipatungpal.
Kasaruno daytoy dagiti imbutaktak ni Senador Panfilo Ping Lacson mainaig iti maipagarup nga illegal recalamtion activities idiay Taguig, pakairamanan dagiti kwestionable a titulo.
Pinasingkedan ni Dizon a nakatuding a maki-taripnong ti DPWHG kadagiti stakeholder, pakairamanan ti Taguig City government, PRA ken Laguna Lake Development Authority tapno trataren dagiti sumaruno nga addang.
