Inlawlawag ti Department of Public Works and Highways (DPWH) nga awan ti pondo iti 2026 budget para ti baro a flood-control projects.
Ti P2.49 billion nga alokasyon ket para ti Maintenance and Other Operating Expenses (MOOE) dagiti agdama a flood mitigation programs pakairamanan ti Oplan Kontra Baha iti gobierno.
Segun ti DPWH, dagiti pondo ket mangsuportar iti essential declogging, desilting, dredging, repair ken clearing operations tapno masigurado ti functionality iti waterways ken drainage systems iti intero a pagilian kasta payen ti dadduma a maintenance requirements iti existing flood control-related projects.
Gagem ti ahensya a masulit iti pondo para iti flood mitigation iti baet ti limitado a budget.
Siguradoen ni Senate Finance Committee Chiar Sherwin Gatchalian a “pork free” ti 2026 budget.
Kinuna pay ti Malakanyang a maisayangkat ti nainget a panagadal ti ratified General Appropriations Bill sakbay a pirmaan ni Pres. Marcos.
