Agsapul iti alternatibo a wagas ti Department of Public Works and Highways (DPWH) tapno mapadaras ti plano a rehabilitasyon iti EDSA.
Dayta ket kalpasan a sinuspenso ni President Ferdinand Marcos Jr. ti nakatuding koma nga EDSA rebuild project a napalag-an ti P8.7 billion a pondo.
Segun ken ni Highways Secretary Manuel Bonoan, binilin ida ti president nga agsapul iti baro a wagas tapno saan nga agpaut iti panagsimpa iti EDSA.
Kitkitaenda ti dadduma pay a gamit wenno teknolohia iti sabali a pagilian a maaramatda tapno mapabassit ti panawen ti proyekto.
Saan met nga anamungan ni Bonoan dagiti singasing a mangipan ti 2nd level ti kalsada iti EDSA tapno napapaut.
Maysa nga ikonkonsiderar ti presidente ti panangsuspenso ti EDSA Rebuilt Project ti possible a narigat a sitwasyon dagiti motorista inton marugian iti panagsimpa.
