Papigsaen ti Department of Transportation ti kampanya kadagiti taxi driver a manggungundaway nga agsingir iti nalabes kadagiti pasahero.
Katinnulong ti DOTr ti Land Transportation Office ken Land Transportation Franchising and Regulatory Board kadagiti amin nga airport ken pantalan iti pagilian.
Segun ken ni Transportation Secretary Vince Dizon, kasapulan a tignayan nga insigida dagiti kastoy a klase ti panagabuso ken ti pananglimlimo a ti masansan a target ket dagiti balikbayan ken dagiti turista.
Nagtaud ti pammilin kalpasan ti panagviral ti video ti maysa a taxi driver a nagsingir iti nasurok sangaribo a pisos manipud iti maysa a pasahero manipud NAIA Terminal 3 nga agturong iti Terminal 2.
Nagpanawagan ni Dizon iti publiko a saan a mabuteng nga ivideo wenno itag ti DOTr ken LTO no bilang mabiktima iti overcharging kadagiti pampubliko a transportasyon.
