Pinaglibakan ti Department of Tourism (DOT) dagiti pammabasol nga ar-aramatenda iti posisyonda iti gobierno para ti personal a promosyon ni Tourism Secretary Esperanza Christina Frasco maipanggep ti maysa a magazine cover kasaruno ti sarita ti maysa a photographer iti internet.
Segun ti ahensya, saan a pudno ken makaallilaw dagiti pammabasol ken awan iti pakainaigan iti panagpili wenno panagaramat ti ladawan iti nasao a publication a maysa a pribado a magazine.
Inlawlawag ti ahensya a saanda a kinontrata, pinondoan wenno direkta a kinapatang iti panagpaaramid ti cover wenno feature story iti nasao a magazine.
Innayon pay ti DOT, ti company publication ket adda bukodna ng editorial discretion ken independently-na nga ig-iggaman ti World Expo Osaka karamanen dagiti konektado nga aktibidad.
