Babaen ti pannakairusat ti Direct Air Canada flights iti nagbaetan ti Vancouver ken Manila ket namnamaen ti Department of Tourism (DOT) nga ad-adu a Canadian iti makabisita iti pagilian tapno agnegosyo ken agliwliwa.
Pinasangbayan da Tourism Secretary Christina Garcia-Frasco, Transportation Secretary Vince Dizon, Canadian Ambassador David Hartman ken Air Canada Managing Director Rocky Lo ti inaugural flight iti flag carrier a nagtyaud manipod Vancouver ken naglanding idiay Ninoy Aquino International Airport Terminal 3 idi Apeil 3.
Ti direct flight iti nagbaetan iti Vancouver ken Manila ket agpaut iti sangapulo ket dua agingga sangapulo ket uppat nga oras ken maisayangkat iti mamin-tallo a daras iti makalawas.
Dayta ket mabalin a mangitunda ti 57,216 flight seat iti kada tawen wenno average 4,768 seats kada bulan.
Segun ken ni Lo, ti direct flights iti nagbaetan iti Manila ken Vancouver ket beneficial para kadagiti estudyante a Pilipino a naka-enroll kadagiti pagadalan idiay Canada a nangipaganetgetanda nga irepresentar dagiti Filipino students ti maikatlo a largest overseas student population idiay Canada.
