Impakaammo ti Philippine Atmospheric, Geophysical and Astronomical Services Administration (PAGASA) a manamnama a kumaro ti El Niño ken agbalin a Very Strong El Niño manipud Setiembre agingga Disiembre 2026 ken agpaut agingga iti panangrugi ti 2027.
Nagballaag ti ahensia a mabalin a mangitunda daytoy iti nabara a temperatura ken basbassit a tudo, a posible nga agresulta iti nakaro a tikag ken kinakirang ti danum.
Mabalin pay laeng a mapasaran ti dadduma a lugar ti napigsa a tudo gapu iti Southwest Moonsoon ken bagyo, partikular ti akin-laud a paset ti pagilian.
Indagadag ni Department of Science and Technology (DoST) Secretary Renato Solidum Jr. kadagiti lokal a gobierno ken nadumaduma a sektor nga insigida nga usarenda ti climate data tapno agsagana iti epekto ti El Niño.
