VIGAN CITY – Nangisayangkat ti Supreme Student Government ti Ilocos Sur National High School nga idadaulwan ni President Alliyah Nicole Sayo ti donation drive nga inawaganda ti Bayanihan para sa Cagayan.
Naawagan ti nasao a gannuat iti Bayanihan para sa Cagayan a ti gagemna ket matulongan dagiti biktima iti bagyo Ulysses idiay Cagayan babaen kadagiti naur-or a tulong nga aggapu kadagiti nagannak, mangisursuro ken dadduma pay a stakeholder iti nasao a pagadalan.
Karaman kadagiti maipaay a tulong ket dagiti grocery item, hygiene kits, danum, bagas pakairamananen dagiti beddings nga aramaten dagiti nabagyo a naipan iti opisina iti Provincial Disaster Risk Reduction and Management Council ta isuda ti maseknan iti panangipatulod kadagiti tulong.
Nupay kasta, nagyaman ti administrasyon ti Ilocos Sur National High School nga idaulwan ni Principal Romulo Quitevis kadagiti naayat a nagidonar iti tulong.
