Imbestigaran ti gobierno dagiti naidonar iti Philippine National Police babaen kadagiti Chinese national a nainaig iti espionage activities, kas pinasingkedan ni Palace Press Officer and Communications Usec Claire Castro.
Dayta ket kalpasan ti panangibutaktak ti Manila local government a nakaawatda iti sangapulo a motorsiklo manipud iti maysa a managan iti Wang Yongyi ti Qiaoxing Volunteer Group, a karaman kadagiti nakemmeg gapu iti mapapati a panagespiya idiay Malakanyang ken dadduma pay a vital government establishment idi napan a bulan.
Segun ken ni Castro, kitaen a naimbag daytoy ti gobierno agraman dagiti damag nga adda dagiti Chinese national a karaman iti iligal nga aktibidad a nasinged kadagiti nangato ti ranggona a PNP officials.
Malaksid dayta ket imbestigaranda pay dagiti Local Governmet Units a nakaawat kadagiti donasyon.
