Inlawlawag ni 4Ps Social Marketing Division Chief Marie Grace Ponce a dagiti donasyon a cellphone kadagiti benepisyaryo ti 4PS idi March 18 idiay Navotas Sports Complex ket impaay dagiti dua a pribado a kompania tapno mapadaras ti panag-access dagiti benepisyaryo kadagiti cash grant.
Iti nasao nga aldaw ket nakaawat ti mobile phones iti limapulo a benepisyaryo idiay Navotas ken Malabon.
Ti addang ket target pay a maisayangkat idiay Cordillera Administrative Region, MIMAROPA ken Davao Region kadagiti sumarsaruno a bulan.
Immunan a binabalaw dagiti ntizen ti nasao nga addang iti Department of Social Welfare and Development ta kinunada nga imbes nga ikkan ti trabaho ken suruan ti financial literacy dagiti umili ket pagbalbalinenda a sadot dagiti benepisyaryo.
