Saan a mangted ti Department of Labor and Employment iti pawayway kadagiti kompania a saan a sumurot iti panangited iti 13th month pay kadagiti empleadoda iti naituding a maudi nga aldaw idi December 24.
Segun iti DOLE, awanen ti maawat a request para iti exemption wenno deferment ti panagbayad no lumabes iti nasao a petsa.
Palagip ti labor department kadagiti kompania nga agipasa iti report a mangpaneknek a simmurot iti panangited ken panangipatulod babaen iti DOLE Establishment Report System.
Nainget pay nga imonitor dagiti maseknan a DOLE Regional, Field, wenno Provincial Office no naited a husto ti 13th month pay dagiti mangmangged.
Kabayatanna, impalagip ti Labor Department ti husto a pasueldo ita a holiday ket 30 percent iti sueldo ti mainayon iti umuna a walo nga oras ti panagtrabaho.
