Innallukoy ti Department of Labor and Employment (DOLE) dagiti pribado a kompania a mangipatungpal kadagiti addang tapno makissayan ti epekto ti nabara a temperatura kadagiti lugar iti trabaho.
Kiniddaw ni Secretary Bienvenido Laguesma kadagiti employer a sumurot iti Labor Advisory No. 08-2023.
Pinasingkedanna ti kinapateg iti panangpatiber kadagiti nasao nga addang tapno mapagtalinaed a natalged dagiti empleado ken lugar iti trabaho.
Iti salinong ti guidelines, kinuna ti DOLE a rumbeng a siguradoen dagiti kompania ti epektibo a ventilation ken heat insulation iti amin a lugar nga adda mangmanggedna.
Rumbeng pay a maaddaan ti rest breaks wenno lokasyon ti trabaho tapno makarekubre manipod pannaka-expose iti init.
Naallukoy dagiti kompania a mangted dagiti uniporme a mayannatup iti temperatura ken personal nga agaramat ti proteksyon, kas ti kallugong, sarming nga adda proteksyonna kontra iti ultraviolet rays ken komportable a light material a long-sleeve a t-shirt.
Innayon ti ahensya a rumbeng a mangted ti kompania iti libre ken umanay a mainom a danum.
