Nagpalagip ti Department of Labor and Employment kadagiti kompania nga idayawda ti pammati ken personal a kayat dagiti empleado kadagiti Christmas party ken holiday event.
Segun iti DOLE, saan a mabalin a piliten dagiti mangmangged a sumali iti sala wenno dadduma pay nga aktibidad a mailabsing iti pammati wenno iti job description-da.
Mabalinda ti agipila iti reklamo iti National Labor Relations Commission no mapilit ida, adda pangta ti pannusa, harassment, wenno mangitunda iti naalas a work environment a mabalin a mangitunda iti constructive dismissal.
Posible pay a sakupen ti Safe Spaces Act dagiti panaglabsing nga adda pakainaiganna iti harassment.
Nupay kasta, no dagiti aktibidad ket boluntaryo, adda panagdayaw, ken para iti ragragsak ken panagkaykaysa, mabalin latta a makipaset dagiti empleado.
