Impaganetget manen ni Labor Secretary Francis Tolentino a nakatutok ken saanda a baybay-an ti kasasaad dagiti mangmangged iti isyu ti nayon nga P85 a sueldo.
Segun ken ni Tolentino, natalekda a saan a maikkat ti temporary restraining order nga inruar ti Pasig City Court ta agtultuloy ti Department of Labor and Employment ken Office of the Solicitor General iti trabahoda.
Innayonna a respetaren ti DOLE ti karirikna dagiti mangmangged ngem inlawlawagna nga ar-aramidenda amin tapno matuloy ti nayon a sueldo kadagiti mangmangged iti Metro Manila.
Uray dagiti addang ti DOLE tapno maipatungpal ti nayon a sueldo iti sabali pay a rehion ket trabtrabahoendan para iti pagsayaatan dagiti mangmangged.
Segun pay iti opisial, maawatanda ti sentimiento dagiti grupo ti mangmangged iti panangisayangkatda kadagiti protesta ngem impalagipna a ti ar-aramiden ti DOLE ket tapno matuloy ti naitantan a nayon iti sueldo.
