Nagpalagip ti Department of Labor and Employment kadagiti pribado nga employer a mabalin ti mangipatungpal kadagiti flexible work arrangement iti baet ti panagpangina ti presio ti langis.
Maibasar iti DOLE statement, mabalin a maipatungpal iti pribado a sektor ti four-day workweek ken work-from-home scheme tapno maksayan ti gastos iti operasion ken masalwadan ti kasasaad dagiti mangmangged.
Iti four-day workweek, ti 40 nga oras a linawas a trabaho ket mabingay iti uppat nga oras manipud Lunes agingga Huebes.
Iti met work-from-home arrangement, agtalinaed ti walo nga oras a trabaho iti uppat nga aldaw ken mabalin nga aramiden ti trabaho manipud iti pagtaengan kada Biernes.
Al-allukoyen ti ahensia dagiti employer a mangipatungpal iti flexible work arrangement a mangipasa iti report iti online compliance portal kalpasan a makabukel iti katulagan kadagiti empleado.
