Pinalagipan ti Department of Labor and Employment (DOLE) dagiti employers iti husto a kompensasyon para kadagiti mangmangged a sumrek iti trabaho inton Ninoy Aquino Day ken National Heroes Day.
Maibasar ti Labor Advisory No. 11 series of 2025, dagiti sumursruot iti pagannurotan iti panagbayad ket rumbeng nga i-apply inton August 21 a Ninoy Aquino Day ken August 25 a National Heroes Day nga special non-working holiday ken regular holiday.
Inton August 21 nga special non-working day , nu ti empleado ket saan a mapan agtrabaho ket rumbeng a mai-apply ti no work, no pay malaksid laeng nu adda faborable rule iti kompania; kadagiti agtrabaho nga empleado ket rumbeng a bayadan ti employer iti 30% iti basic wage na iti umuna a walo nga oras iti trabaho; para kadagiti ag-overtime ket manayunan ti 30% ti hourly rate iti nasao nga aldaw; nu rest day ngem napan nagtrabaho ti empleado ket mabayadan iti nayon a 50% iti basic wage iti umuna a walo nga oras; ken nu rest day ken nag-overtime ket manayunan pay ti 30% iti hourly rate na iti nasao nga aldaw.
Inton August 25 a regular holiday, nu saan nga agtrabaho ti empleado iti nasao nga aldaw ket agbayad latta ti employer ti 100% a sueldo nu nagreport iti trabaho wenno naka-leave of absence nga adda bayadna iti kaaldawan sakbay iti regular holiday. Nu ti aldaw sakbay ti regular holiday ket maysa nga aldaw nga awan serrek iti establishyimento wenno nakaituding nga aldaw ti panaginana ket adda karbenganna ti holiday pay nu ti empleado ket nagtrabaho wenno naka-leave of absence nga adda bayadna sakbay iti aldaw ti rest day.
Nu ti trabaho ket naaramid iti panawen ti regular holiday ket mabayadan ti empleado ti 200% a sueldo para iti umuna a walo nga oras; ket nu agovertime iti nasao nga aldaw ket adda nayon a 30% ti hourly rate na iti nasao nga aldaw; nu nagtrabaho ti nasao nga aldaw ngem rest day ket mabayadan ti nayon a 30% iti basig wage a 200%; ken nu nag-over time bayat ti rest day ket manayunan ti nayon a 30% ti hourly rate iti nasao nga aldaw.
