DOLE, nagpalagip iti holiday pay rules ita nga aldaw

Adda karbengan dagiti mangmangged iti pribado a sektor a nagreport iti trabaho ita nga aldaw a makaawat iti 200 percent wenno double-pay iti inaldaw a sueldo.

Kagiddan dayta iti maika-161 nga anibersaryo ti pannakayanak ni Andres Bonifacio a nangidatag iti rebolusyonaryo a grupo a Katipunan a limmaban kontra kadagiti simmakup nga Espanyol.  

Iti maysa a labor advisory, pinalagipan ni Secretary Bienvenido Laguesma dagiti employer a suroten dagiti patakaran iti sueldo para iti Bonifacio Day, maysa a regular holiday.

Innayon ti DOLE a dagiti empleado a a nagreport iti trabaho iti nasao nga aldaw ket umawat iti 200 percent iti sueldoda para iti dayta nga aldaw iti umuna a walo nga oras.