Nadiskubre iti agduduma a resibo ken dokumento manipod kompania ken incorporations a mainanaig ken ni Bamban, Tarlac Mayor Alice Guo iti maysa a resort idiay Pampanga.
Nalukatan dagiti law enforcers iti sangapulo ket siam a money vaults iti uneg ti villas iti Fontana Leisure Parks idiay Clark Freeport.
Dagiti villa ket inabangan dagiti big bosses iti naraid a Zun Yuan technology POGO facility idiay Bamban ken babaen ti business partners ti suspended ti mayor.
Ti vaults ket naglaon ti bank documents iti Baofu Land Development a mainanaig ken ni Guo ken ti akin-kukua ti daga nga ayan ti POGO hub idiay Bamban.
Nadiskubre pay dagiti dokumento ti Chinese fugitive Huang Zhiyang a partner met laeng ni Guo, karaman dagiti dokumento dagiti dua a Taiwanese passport iti Huang a maysa a photocopy iti dadduma pay a passports manipod iti sabali a pagilian, ken maysa nga special retiree’s visa.
Kinuna ti PAOCC a sumrek ken rumuar iti pagilian ni Huang manipod 2012, ket iti agdama ket kitkitaenen dagiti otoridad ti pandemic travel pass a nairuar ken ni Huang babaen ken ni dati a Bamban Mayor Antonio Feliciano.
Nasarakan pay manipod iti villas dagiti dokumento iti Baofu incorporators Zhang Ruijin ken Lin Baoying a nainaig iti money laundering case idiay Singapore.
Innayon ti ahensya a nadiskubre pay ti triplicate vanity plates a maipakitanto ti Land Transportation Office.
