--Ads--
Kinumpirmaran ti Malakanyang ti panagikkat iti puesto ni Department of Justice Usec Jose ‘Jojo’ Cadiz a nairaman iti kontrobersia ti flood control scam.
Segun ken ni Palace Press Officer Atty. Claire Castro, nangipasan iti resignation letter ni Cadiz ken awan pay ti impormasion no inawaten daytoy ni Presidente Ferdinand Marcos Jr.
Ni Cadiz ket nairaman ken ni dati nga Ako Bicol Partylist Rep. Zaldy Co a mapapati a bagman ti presidente, ken adda koneksionna iti maysa a dakkel a construction company a nakaala kadagiti proyekto iti Ilocos Norte.
Isuna pay ti madakdakamat a dati nga aide ti presidente.
-- ADVERTISEMENT --
