Mabalin nga ikonsidera ti Department of Justice kas ebidensia ti nagbalin a sarita dagiti 18 a dati a miembro ti Philippine Marines.
Inlawlawag ni DOJ Spokesperson Atty. Polo Martinez nga iti agdama ket saan pay daytoy a mabalin ta awan pay ti naipila a reklamo isu nga awan pay ti preliminary investigation.
Idi masaludsod no adda sungsungbatan dagiti ex-marines kadagiti pammabasul, kinuna ni Martinez a mismo a kadagiti pannakabagi ti linteg ti paggapuanna ti pannakaipila ti reklamo mainaig iti posibilidad nga adda dagiti linteg a nalabsing.
Kasaruno daytoy iti panangibulgar dagiti dati a suldado no nakaipatulodan ti male-maleta a para kada Presidente Ferdinand Marcos Jr,. dati a House Speaker Martin Romualdez ken dati a Rep. Zaldy Co a naglaon iti P805 billion a konektado iti flood control anomaly.
