Patien ti Department of Justice (DOJ) a saan pay a nakaruar iti pagilian ni suspended Bamban Mayor Alice Guo.
Dayta ket kalpasan a saan a dimmar-ay kadagiti panagdenggeg iti Senado inaig ti operasyon dagiti illegal a POGO iti pagilian ken kalpasan a nakasoan kadagiti kaso nga adda kainaigan ti human trafficking.
Segun ken ni DOJ Undersecretary Nicholas Ty iti Inter Agency Council Against Trafficking, kasapulan ni Guo a makaala pay ti travel authority sakbay a palubosan a makaruar iti pagilian.
Agtultuloy a maipatpatungpal ti Immigration Lockout Bulletin Order kontra ti mayor ken kadagiti kapadana nga akusado a pangaletoan ti DOJ nu panggepda a rumuar iti pagilian.
Napaay a nagipasa ti counter-affidavit ti kampo ni Guo isu a desisyonan ti korte ti kaso nga ipilada.
