Natalek ti Department of Justice a maiyawidda ditoy pagilian inton Hulyo ni expelled Negros Oriental Representative Arnolfo Teves tapno sumango kadagiti kasona.
Dayta ket kasaruno ti panagaprubar ti Timor Leste iti kiddaw ti gobierno ti Pilipinas a ma-extradite ni Teves.
Segun ken ni DOJ Spokeserson ken Assistant Secretary Jose Dominic Clavano IV, mismo a ti Attorney-General ti Timor Leste iti nangkumpirmar kadakuada nga inaprubaran ti gobiernoda ti extradition request iti pagilian.
Naamoan a nakalanad ti nasao a kiddaw a mapalubosan nga agsubli iti Pilipinas ti dati nga agpampanday linteg tapno sangwen ti kaso a multiple murder a sangsangwenna.
Inlawlawag ni Justice Undersecretary Raul Vasquez nga adda tallopulo nga aldaw ni Teves tapno iapela ti desisyon.
Natalekda a saan nga agbaliw ti pangngeddeng ti Timor Leste inaig ti extradition.
