Nangbukel ti Department of Justice iti maysa a grupo a buklen daiti kameng ti DOJ, Bureau of Immigration ken National Bureau of Investigation tapno asikaswen ti deportasyon ken pannakaisubli iti pagilian ni dati a Negros Oriental Rep. Arnie Teves Jr.
Nakemmeg ni Teves idiay Timor Leste idi Marso 2024 ken pinalubosan ti Court of Appeals a ma-extradite nga agsubli iti pagilian gapu kadagiti kaso a murder ken frustrated murder a mainaig iti pannakapapatay ni Gov. Roel Degamo idi 2023.
Segun iti DOJ, ipasiguradoda a maipaayan iti due process ni Teves iti panagsublina ken panangituloy kadagiti kaso a naipila kontra kenkuana.
Namnamaen dagiti otoridad a dumteng ni Teves iti pagilian kadagiti sumarsaruno nga aldaw.
Kabayatanna, dagiti legal counsel ni Teves a ni Atty. Ferdinand Topacio ket nangipatulod kadagiti mangibagi iti DOJ, BI, ken NBI tapno makaala iti impormasyon mainaig iti oras ken lugar iti isasangpet ni Teves.
