--Ads--
Nakasaganan ti Department of Justice (DOJ) a tulongan ken ipan idiay The Hague, Netherlands dagiti testigo ti war on drugs iti naglabas a Duterte Administration.
Kinumpirmaran ni Justice Secretary Jesus Crispin Remulla a nakikammayet kadakuada ti International Criminal Court (ICC) maipapan iti agdama nga isyu.
Inpasiguradona pay a tumulong ti ahensia iti panangpatalinaed iti kinatalged ken dagiti mayat a tumestigo maipapan ti sangsangwen a crimes against humanity ni dati nga ama iti Pilipinas – Presidente Rodrigo Roa Duterte.
Mangipaay ti gobierno iti tulong pinansial kadagiti testigo a mapan idiay The Hague, Netherlands tapno makaitedda iti statement da iti panagdengngeg.
-- ADVERTISEMENT --
