Nakitaripnong ti Department of Justice (DOJ) kadagiti kompania ti money transfer ken mangibagi iti social media platform tapno masolusyonan ti parikot iti illegal child exploitation.
Segun ken ni Justice Secretary Jesus Crispin Remulla, ad-adalen ti ahensya ti kaadda ti napigsa a pannakitinnulong kadagiti money services business ken social media platforms ta tunggal maysa ket adda napateg nga akemna tapno masolusyonan ti exploitation dagiti ubbing.
Pinasingkedan ti secretary ti kinapateg ti whole-of-nation approach tapno labanan ti human trafficking.
Kinunana a kasapulan ti partisipasyon dagiti non-governmental organization, international partners, telecommunications companies tapno maisardeng ti online sexual abuse and exploitation of children.
