--Ads--
Lapdan ti Department of Justice ti apela ni Senador Jinggoy Estrada iti Sandiganbayan a palubosan a maka-biahe iti sabali a pagilian iti baet ti precautionary hold departure order nga inruar da kontra kenkuana.
Segun ken ni Justice spokesperson Atty. Polo Martinez, mamati ti DOJ a ti senador ket flight risk ken saan a masapul a palubosan a makaruar iti pagilian.
Inlawlawag ni Martinez a ti precautionary hold departure order ket mabalin laeng nga i-revoke wenno ibabawi babaen iti bilin ti korte a nang-isyu iti daytoy.
Immuna a nangipila ti senador ti motion iti Sandiganbayan nga agkiddaw ti permiso a maka-biahe idiay Hong Kong, Macau ken Japan manipud Marso 31 agingga Abril 5.
-- ADVERTISEMENT --
