Kiniddaw ti Department of Justice (DOJ) iti Korte Suprema a saan a palubosan ti petition for habeas corpus nga impila dagiti agkabsat a Duterte.
Iti sungbat ti DOJ a mangibagi iti gobierno ti Pilipinas, awanen ti serserbi ken agkurang iti merito dagiti petisyon tapno pasublien iti pagilian ni dati a Pres. Rodrigo Duterte a naibiahe idiay The Hague, Netherlands idi March 11.
Patien ti DOJ a saan a mabalin ti habeas corpus ta adda maipatpatungpal a warrant of arrest iti dati a presidente ken para laeng dayta kadagiti ilegal a naibalud a kabaliktad iti napasamak ken ni Duterte.
Addan iti lima nga aldaw a respondents da Rep. Paolo Duterte, Mayor Baste Duterte ken dati a presidential daughter Veronica Duterte tapno sumungbat iti petisyon.
Kinumpirmaran ni Justice Secretary Jesus Crispin Remulla nga isuda ti mangibagi kadagiti respondents kalpasan a nagsanud ti Solicitor General.
