Makikammayet ti Department of Justice (DOJ) Office of Cybercrime iti United Nations Office on Drugs and Crime (UNODC) tapno papigsaen ti pannakaipatungapal ti linteg kontra ti cybercrime iti Pilipinas.
Planoda nga yad-adu ti bilang digital forensic expert ken sanayen kadagiti cybercrime investigators ken prosecutors.
Segun ken ni Justice Secretary Jesus Crispin Remulla, umad-adu iti cybercrimes iti pagilian isu a masapul a papigsaen iti addang para ti nasao a banag.
Idauluan ni Remulla ti bassit a delegasyon iti DOJ nga agturong iti headquarters iti UNODC idiay Vienna, Austria tapno pagpatangan dagiti detalye iti nasao a panakitinnulong.
Makitaripnong ni Remulla ken ni UNODC Executive Director Ghada Fathi Waly sadanto bisitaen ti crime laboratory-da.
Plano iti DOJ ken UNODC nga agpirma iti tulagan para iti agduduma a programa a para iti hustisya pakairamanan ti reporma iti pagbaludan ken forensics.
