Impaganetget ti Department of Justice (DOJ) a saan a personality driven wenno uray direkta ti maysa a partikular a grupo wenno individual ti araramiden nga imbestigasyon kadagiti mapukpukaw a sabungero.
Segun ken ni Justice Undersecretary Raul Velasquez, awan iti palpalutpotenda a personalidad iti isaysayangkat ken agtultuloy nga imbestigasyon.
Kinunana nga aniaman iti agbalin a resulta iti imbestigasyon ket maysa laeng iti kayat a sawen nga isu iti maitudtudo a kangrunaan nga adda pakainaigan ti nasao a kaso.
Awan ti personal nga agenda ti imbestigasyon ken araramidenda laeng iti trabahoda.
Kinumpirmaran ni Vasquez nga iti agtultuloy nga imbestigasyon dagiti otoridad iti panagkalap kadagiti ebidensya ket adda pakainaigan iti kaso dagiti mapukpukaw a sabungero.
Gagem a mapapigsa pay iti kasoda a mabalin a maipila iti korte kotra kadagiti personalidad a mangbigbig nga adda likodan ti pasamak.
Immunan nga imbilin ni Pres. Ferdinand Marcos Jr. kadagiti otoridad a mangisayangkat iti nauneg nga imbestigasyon iti kaso tapno masigurado a mapasungbat iti linteg dagiti adda iti likodan ti krimen.
