Saan a kwalipikado nga agbalin a state witness ni dati a Bulacan 1st District Assistant Engineers Brice Hernandez ken Jaypee Mendoza.
Segun ken ni Prosecutor-General Richard Anthony Fadullon, maibasar iti ebidensia a naipasa kadagiti kaso a malversation ken graft panggep iti mapapati nga anomalous flood control project idiay Bulacan, saan a nakita ti DOJ a masapul nga i-discharge dagiti dua kas testigo.
Innayon ni Fadullon a saan a makanay ti immuna nga addang ni Hernandez nga isuko dagiti lugan ken mangted iti nagan mainaig kadagiti eskandalo tapno maawat a kas state witness wenno mairaman iti Witness Protection Program.
Immunan nga inawat ti DOJ kas state witness ti contractor a ni Sally Santos, a karaman kadagiti naakusaran a da dati a DPWH Usec Roberto Bernardo, dati a Bulacan 1st District Engineer Henry Alcantara, ken dati a DPWH NCR Director Gerard Opulencia mainaig kadagiti ghost flood control project idiay Pandi, Bulacan.
