--Ads--
Adda ti baro a testigo ti Department of Justice (DOJ) mainaig ti kaso dagiti mapukpukaw a sabungero.
Segun ken ni Justice Jesus Crispin Remulla, dakkel ti maitulong ti baro a testigo iti panangsuportar kadagiti immunan a sarita ti whistle blower a ni Julie Patidongan wenno alyas Totoy.
Saan laeng a basta testimonya ti iggemda ta adda pay sigurado nga ebidensya nga inted ti testigo.
Nagkedked met ti secretary nga inaganan ti nasao a testigo.
-- ADVERTISEMENT --
Kabayatanna nagtaripnong da Philippine National Police (PNP) wenno PNP Chief Gen Nicolas Torre III ken Remulla mainiag iti kaso dagiti mapukpukaw a sabungero.
