Suportaran ti Department of Health ti gakat a ti gagemna ket direkta a mayakar kadakuada ti pondo para iti agas ken medical equipment a nailatang iti Medical Assistance for Indigents and Financially Incapacitated Patients.
Segun ken ni DOH Spokesperson Assistant Secretary Albert Domingo, no agbalinton a linteg ket saanen a kasapulan ti agkiddaw iti guarantee letter kadagiti agpampandaylinteg ta addanton pondo mismo kadagiti pampubliko nga ospital para iti agas ken medical equipment a kasapulan dagiti pasyente.
Iti salinong ti gakat, saanen a marigatan dagiti pasyente a mangiproseso kadagiti requirement-da tapno makaala iti guarantee letter.
Innayon ni Domingo a no agbalin a linteg ket addanton a mismo kadagiti ospital ti gobierno ti badyet a kasapulan para kadagiti agas ken equipment a maala manipud iti maintenance ken operating expenses dagiti ospital.
