Silulukat ti Department of Health (DOH) iti aniaman nga imbestigasyon mainaig iti mapapati nga irregularidad kadagiti programada ken ghost health centers.
Ti nasao a banag ket manipod ken ni Health Assistant Secretary Albert Domingo ket kinunana a nakasagana iti ahensya iti imbestigasyon iti Medical Assistance to Indigent and Financially Incapacitated Patients (MAIFIP) Program ken mapapati nga uppat a gasut a ghost health centers.
Kasaruno dayta iti sarita ni Baguio City Mayor Benjamin Magalong nga imbestigaran ti Mayors for Good Governance ti MAIFIP.
Kwinestyunaran pay ti Kamara ti maaw-awagan a ghost health centers iti DOH kalpasan a naibutaktak a duagasut laeng manipod innem a gasut iti naipatakder iti salinong ti health facilities enhancement program (HFEP) ti maus-usar.
