Nakabantay ti Department of Health (DOH) Bureau of Quarantine iti amin nga airport ken pantalan iti baet ti naireport a seasonal outbreaks ti “Nipah virus” idiay Bangladesh ken India.
Ti sakit ket zoonotic, kayatna a sawen ket maiyakar dayta manipod iti ayup nga agturong iti tao. Masansan nga agtataud iti paniki ken mabalin a maiyakar iti sabali nga ayup a kas iti baboy ken kabalyo.
Karaman kadagiti sintomas ti Nipah virus iti nakaru a gurigor, panagbakwar ken kaadda ti respiratory infection.
Naudin a nairekord iti Pilipinas iti nasao a sakit idiay Sultan Kudarat idi 2014 ta nairekord iti sangapulo ket pito a kaso.
Siguradoen ti DOH a nakasagana iti Nipah virus ken dadduma pay a sakit.
Iti agdama ket awan pay iti rekomendasyon para iti travel restriction.
Impaganetget ni DOH Spokesperson Asec. Albert Domingo nga agtultuloy iti panagbantay iti DOH Bureau of Quarantine (BOQ) iti amin nga airport ken pantalan, addaan man wenno awan ti Nipah virus.
